Бичлэг тандагчТөслийн Гүйцэтгэгч-менежментийн багийн даалгавар
“Цахим сургалт” төслийн Гүйцэтгэгч-менежментийн багийн даалгавар
2012.03.12 Улаанбаатар хот
Төслийн Гүйцэтгэгч-менежментийн багийн 4 гишүүн төслийн хэрэгжилтийг шалгах зорилгоор 2012.03.23-03.26-ны өдрүүдэд төсөл хэрэгжиж буй сургуулиуд дээр ажиллана.
Төслийн хэрэгжилтийг шалгах бэлтгэл ажлыг хангах зорилгоор Сургалтын менежерүүд хариуцсан багш нарынхаа ажлыг шалгуур үзүүлэлтийн дагуу шалгаж, үнэлгээ хийсэн байх даалгавар өгч байна. Үүнд:
Багшийн сургалтын блогДотоод удирдлагын програм руу оруулсан сургалтын мэдээлэл
Төсөл эхэлснээс хойш багшийн боловсруулсан цахим хичээл, сургалтын хэрэглэгдэхүүн
Багшийн сургалтын блогийг шалгах хүснэгтийн “Гэрийн даалгавар” гэсэн үзүүлэлт шаардлагагүй бөгөөд видео бичлэг, мэдээ мэдээлэл гэх мэт бусад үзүүлэлтийг нэмэх хэрэгтэй.
Сургалтын менежер бүр хариуцсан багш нарынхаа
- хавтас
- сургалтын блог, дотоод удирдлагын програм, цахим хичээл, хэрэглэгдэхүүн гэсэн 3 үзүүлэлтээр төслийн хэрэгжилтийг шалгасан үнэлгээ
- боловсруулсан цахим хичээл, сургалтын хэрэглэгдэхүүний сэдэв, хэзээ хичээл заасан, цахим санд оруулсан эсэх талаар хөтөлсөн бүртгэл
- цахим сан /санд оруулсан хичээл, сургалтын хэрэглэгдэхүүн/
- дотоод удирдлагын програмд оруулсан сургалтын мэдээллийг төслийн багийн гишүүдэд танилцуулж шалгуулна.
Нийгмийн ажилтан нь
- дотоод удирдлагын програм руу оруулсан багшийн зураг, мэдээлэл
- АУБ нар хариуцсан ангийн сурагчдын зураг, мэдээлэл, судалгаа оруулсан эсэхийг шалгаж, үнэлгээ өгсөн байх шаардлагатай ба дотоод удирдлагын програмын багш, сурагчдын мэдээллийн санг төслийн багийн гишүүдэд шалгуулна.
2. “Цахим сургалт” хэлэлцүүлгийн бэлтгэл ажлыг хангах талаар
2012.03.23 Зүүнбаянгийн сургууль
2012.03.24 Сайншандын 1-р сургууль
2012.03.25 Сайншандын 2-р сургууль
2012.03.26 Замын-Үүдийн сургууль дээр “Цахим сургалт” нээлттэй хэлэлцүүлэг зохион байгуулагдана.
Цахим сургалтын хэрэглэгдэхүүн бэлтгэж хичээл заахын ач холбогдол, тулгарч буй бэрхшээлийн талаар багш нарын санал бодлыг сонсож, 4 цахим хичээлд хамтдаа анализ хийж, төслийн багийн гишүүд зөвлөмж өгөх байдлаар нээлттэй хэлэлцүүлгийг явуулах төлөвлөгөөтэй байна.
Хэлэлцүүлэг явуулах анги танхим, анализ хийх 4 цахим хичээл, проектор, дэлгэц болон багш нараа 100% хамруулахыг Сургалтын менежерүүд хариуцна.
Хэлэлцүүлгийн өмнө багш бүрийн тоогоор хувилж бэлтгэсэн байх материалыг хавсралтаар илгээлээ.
3. Сургуулийн вэб сайтын төлбөр төлөх талаар
Зүүнбаян, Сайншандын 2-р сургуулийн вэб сайтыг хийж дуусгасан тул сургуулиуд edu.mn домайн нэрийн төлбөр 30000 төгрөг Эрдэмнэт ХХК-д, вэб сайт интернэтэд байршуулах үйлчилгээний 1 жилийн төлбөр 144000 төгрөг /НӨТ ороогүй үнэ/ Мagicnet ХХК-д төлөх хэрэгтэй ба төлбөр төлсний дараа вэб сайт интернэтэд байршигдах болно гэж програм хангамжийн компаниас захидал ирлээ.
Жич: www.magicnet.mn сайт руу орж мэдээлэл авна уу.
Иймд сургуулиуд энэ 7 хоногтоо багтааж төлбөрөө төлөх, улмаар төлбөр төлсөн баримт болон домайн нэр авах хүсэлт гаргасан албан бичгээ сканердаад Наран терминал компанид, CC-г tegshbayar@mobicom.mn хаяг руу э-мэйлээр илгээх хэрэгтэй байна. Албан бичиг болон төлбөрийн баримтын загварыг хавсралтаар илгээлээ.
Амжилт хүсье!!!
Бид хамтдаа хүчтэй!!!
