Бичлэг тандагчБага ангийн багш нарт зөвлөмж
Багшийн сургалтын блогт тавигдах шаардлага:
- Бичлэгийн төрөл, ангилалтай байх
- Блогийн ерөнхий дизайн, зураг нь этгээд бус байх
- Өнгөний зохицол сайн байх
- Блогт оруулж буй сургалтын материал нь зөв бичих дүрмийн алдаагүй, найруулга сайтай байх
- Математик
- Монгол хэл
- Хүн орчин
- Хүн байгаль
- Дүрслэх урлаг
- Дуу хөгжим гэх мэтээр хичээл тус бүрээр ангилал үүсгэж, тухайн хичээлийн гэрийн даалгавар, бие даалтын даалгавар, зайн сургалтын хичээл байршуулж болно.
Дээр дурдсан ангиллаас гадна
- Эцэг эхчүүдэд сурган хүмүүжүүлэх зөвлөгөө
- Сурагчдад зөвлөгөө
- Мэдээ мэдээлэл
- Зар мэдээ гэсэн ангилал үүсгэж
сургалтын болон хичээлээс гадуур зохион байгуулагдаж буй үйл ажиллагааг сурталчилсан фото зургаар баяжуулсан мэдээ мэдээллийг тогтмол байршуулах нь багшийн сургалтын блогт зочлох эцэг эх, сурагчдын тоог нэмэгдүүлдэг.
Мөн бага ангийн багш нар
- Шүлэг
- Дуу
- Оньсого
- Зүйр цэцэн үг
- Сургамжит өгүүллэг
- Уран зохиол гэсэн ангилал нээж, сурагчдын хичээлээс гадуур заавал унших ёстой уран зохиол, цээжлэх шүлэг, дуу, оньсого, зүйр цэцэн үгийг байршуулж байх нь эцэг эх, сурагчдад тустай юм.
Ангийн тэргүүний сурагчид, эсвэл манай ангийн бахархал гэсэн ангилал нээж, тэргүүний сурагчдынхаа фото зурагтай мэдээллийг байршуулах нь эцэг эхийн хүүхдээрээ бахархах сэтгэл, сурагчийн идэвх чармайлтыг нэмэгдүүлэх сайн талтай байдаг.
Жнь:
- Сурагч Д.Баатарцог нь ангийн монгол бичгийн аварга сурагч боллоо. Д.Баатарцогтоо баяр хүргэж, сурлагын өндөр амжилт хүсэн ерөөе! гэсэн мэдээллийн хамт сурагчийн зураг, монгол бичгийн хичээлийн дэвтрийн зургийг байршуулж болно.
- Сурагч Э.Нацаг нь ангийн цэвэр бичгийн аварга сурагч боллоо. Манай ангийн сурагчид Нацагийн цэвэр, нямбай бичдэг зангаас үлгэр дууриалал авч, бүгдээрээ цэвэр бичигтэн болцгооё! Э.Нацагтаа баяр хүргэж, сурлагын өндөр амжилт хүсэн ерөөе! гэсэн мэдээллийн хамт сурагчийн зураг, дэвтрийн зургийг байршуулж болно.
Сургалтын блог тогтмол хөтөлснөөр багш хөгжих, интернэтийн болон компьютерийн мэдлэг, чадвар дээшлэх, багшийн хөгжлийг дагаад эцэг, эх, сурагчдын интернэт ашиглах чадвар сайжрах, орон зай, цаг хугацаанаас үл хамаарч зайн сургалтад хамрагдах, сурган хүмүүжүүлэх зөвлөгөө авах ач холбогдолтой юм.
