Бичлэг тандагчЦахим хичээлийн зөвлөмж
Багш: У.Баярмаа
Сэдэв: Уур амьсгал
Хичээлийн зорилго:
Цаг агаарын мэдээг мэдэж, ажил амьдралаа зохицуулах
Цаг агаарын мэдээг ямар ямар аргаар мэдэж болох
Слайдын суурь өнгө, текстийн өнгөний зохицол маш сайн болсон байна. Сэтгэл гаргаж хийсэн цахим хичээл байна. Баяр хүргэе!
Интернетээс сургалтын хэрэглэгдэхүүн татаж ашигласан нь сайн байна.
Анхаарах зүйл:
- Слайд 8: Тариа тарихад цаг агаарын байдал зохимжтой вэ? гэсэн өгүүлбэрт ямар гэсэн үг орхисон байна. Тариа тарихад цаг агаарын ямар байдал зохимжтой вэ?
- Слайд 12: Шинэ слайд нээгээд англи үгнүүдийн орчуулгыг бичиж өгөх нь бага ангийн сурагчдад хэрэгтэй.
- Слайд 9: Цаг агаар ямар болохыг хэрхэн урьдчилан мэдэх вэ? асуулт тавьж, хэвлэл мэдээллийн хэрэгслээс мэдэж авахаас гадна нар сараар, амьтдын үйлдлээр мэдэж болно гэж оруулсан нь сайн байна.
Гэхдээ нар сараар, амьтдын үйлдлээр цаг агаар ямар болохыг урьдчилан мэддэг байсан ардын уламжлалт аргын талаар сургалтын хэрэглэгдэхүүн оруулж өгөх хэрэгтэй юм. Жнь: Интернетээс жаргаж байгаа нарны зураг олоод нар улайрч жаргаж байгааг хараад маргааш цаг агаар сайхан болно гэдгийг манай ард түмэн ингэж мэддэг байсан гэдгийг тайлбарлах.
- Нар сар, амьтдын үйлдлээр цаг агаарын төлөв байдлыг урьдчилан мэддэг ардын уламжлалт аргыг таниулах зорилгоор гэрийн даалгаварт өвөө эмээ, аав ээжээсээ өөр ямар арга байдгийг мэдэх, дэвтэртээ бичиж ирэх, нар сарны байдлаар цаг агаарын төлөв байдалд ажиглалт хийх гэрийн даалгавар өгсөн слайд оруулах
Хичээл хоорондын агуулгыг интеграцчилах зорилгоор улирлын шинж чанарыг харуулсан шүлэг, холбогдох зурагтай нь оруулах. Жнь.
Цастай өвөл мөстэй өвөл
Цана чаргаар гулгадаг өвөл гэх мэт
Мөн улирлыг дүрсэлсэн шүлэг, дууны үг цээжлэх, өөрсдөө зохиох даалгавар өгч болно.
